Міністр замежных спраў Славеніі Самуэль Жбогар і кіраўнік беларускага МЗС Сяргей Мартынаў, які знаходзіцца з рабочым візітам у Любляне, заявілі пра гатоўнасць умацоўваць двухбаковае супрацоўніцтва, асабліва ў галіне эканомікі.
Гэтаму будзе садзейнічаць падпісаны міжурадавы пратакол "аб стварэнні славенска-беларускай камісіі па гандлёва-эканамічным і навукова-тэхнічным супрацоўніцтве", падае інфармацыйнае агенцтва STA.
Паводле славенскіх выданняў, Любляна “зацікаўленая ў супрацоўніцтве з Беларуссю ва ўсіх тых галінах, дзе абедзве краіны маюць агульныя інтарэсы, але ў выпадку, калі Беларусь будзе прытрымлівацца асноўных напрамкаў палітыкі ЕС і паспяхова рэалізоўваць рэформы”, і заклікае “да дыялогу з беларускімі ўладамі і садзейнічання працэсу дэмакратызацыі і эканамічнага разьвіцця Рэспублікі Беларусь”.
Адносна запланаванай у рамках візіту сустрэчы кіраўніка беларускага МЗС з прэзыдэнтам Данілам Цюркам славенскія СМІ пакуль нічога не паведамлялі.
