Бузек: сітуацыю ў Беларусі трываць нельга

Рэзалюцыі, заявы і прэсавыя рэлізы па Беларусі

Бузек: сітуацыю ў Беларусі трываць нельга

2012-01-20 14:35 / Тэлеграф

Прэзідэнт Еўрапарламента Ежы Бузек канстатуе значнае пагаршэнне сітуацыі ў Беларусі. Па яго словах, цяперашняе становішча ў Беларусі трываць нельга, але і ўплываць на палітыку беларускіх уладаў вельмі складана. Ежы Бузек лічыць, што змяніць сітуацыю здольна толькі грамадзянская супольнасць.

Палітыка Еўрасаюза ў дачыненні да Беларусі правалілася, і Ежы Бузек лічыць гэты правал сваёй галоўнай паразай на пасадзе прэзідэнта Еўрапарламента.

Ежы Бузэк адзначыў, што сёння Еўрасаюзу неабходна вырашыць дылему ў беларускім пытанні. З аднаго боку, неабходна паважаць правы чалавека. Еўрасаюз, па словах кіраўніка Еўрапарламента, заўсёды стараўся рэагаваць на пытанні, якія тычацца абароны правоў чалавека, бо менавіта правы чалавека з'яўляюцца "галоўным экспартным таварам Еўрасаюза".

З іншага боку, адзначае Ежы Бузек, незалежнасці Беларусі на фоне пагаршэння эканамічнай сітуацыі ўсё больш пагражае расейская экспансія.

Як перадаваў Тэлеграф, старшыня Еўрапейскага парламента Ежы Бузек 2 верасня ў Беластоку (Польшча) распавёў аб магчымасці правядзення перамоваў з прэзідэнтам Беларусі Аляксандрам Лукашэнкам. Галоўнымі ўмовамі для супрацоўніцтва Ежы Бузек назваў вызваленне ўсіх палітвязняў, забеспячэнне нармальных умоў дзейнасці незалежных арганізацый і СМІ, гарантыя свабоды навукі, перамяшчэння.

"Калі гэта ўсё будзе зроблена, то Еўрасаюз, вядома, будзе адкрыты для супрацоўніцтва, сумесных праектаў, у тым ліку і для эканамічнай падтрымкі. Зараз Еўрасаюз ні ў якім разе не пойдзе на якія-небудзь пагаднення і перамовы", - заявіла тады Ежы Бузек.


	EN BY FR RU

Прагляд архіваў

Абвесткі

31.01.12

Швецкае агенцтва па міжнароднаму супрацоўніцтву (The Swedish International Development Cooperation Agency – SIDA) запрашае да ўдзелу ў Міжнародных навучальных праграмах, якія маюць стратэгічную значнасць для сацыяльна-эканамічнагя развіцця краіу удзельнікаў. Дакументы прымаюцца да 31 студзеня 2012 г.

19.02.12

Асветніцкая ўстанова «Офіс еўрапейскай экспертызы і камунікацый» (Мінск, Беларусь) арганізуе паездку ў Брусель (Бельгія) для беларускіх спецыялістаў у галіне вышэйшай адукацыі па праграме: “Еўрасаюз і Беларусь: дзелімся досведам”. Падчас візіту беларускія спецыялісты атрымаюць магчымасць наладзіць кантакты з калегамі з вядучых ВНУ Бельгіі, сустрэцца са спецыялістамі, якія займаюцца пытаннямі супрацоўніцтва з Беларуссю ў Еўрапейскай камісіі, Знешнепалітычнай дыпламатычнай службе ЕС ды інш., а таксама ўзяць удзел у круглым стале, прысвечаным Балонскаму працэсу.

30.06.12

Германскі Бундэстаг прапаноўвае Міжнародныя парламенцкія стыпендыі (IPS) і на 2013 год выпускнікам вышэйшых навучальных устаноў з Беларусі. Гэта стыпендыя прадугледжана для ўладальнікаў дыпломаў вышэйшых навучальных устаноў, якія цікавяцца палітыкай і актыўна займаюцца грамадскай дзейнасцю, а таксама маюць вельмі добрыя веды нямецкай мовы. Стыпендыя ўключае расходы на праезд, пражыванне і медыцынскую страхоўку, а таксама штомесячную суму на харчаванне. Заяўкі на ўдзел у конкурсе прымаюцца да 30 чэрвеня 2012 г. у Пасольстве Германіі ў Мінску.