Еўразвяз заклікае беларускія ўлады распачаць дыялог з індывідуальнымі прадпрымальнікамі, паведамляе Крысціна Галах, спікер высокага прадстаўніка ЕЗ па пытаннях знешняй палітыкі і ўнутранай бяспекі Хаўера Саланы.
Спадарыня Галах распавяла, што Рада ЕЗ была “расчаравана” тым, што міліцыя ўжыла сілу для разгону мітынгу прадпрымальнікаў у Мінску.

“Еўразвяз асуджае турэмныя прысуды, вынесеныя 20 дэманстрантам за ўдзел у акцыі”, –адзначыла сакратар сп. Саланы і дадала, што “27-мі нацыянальны Звяз лічыць кожны прысуд палітычна матываваным”.
Афіцыйны прадстаўнік Еўразвязу заклікала беларускія ўлады паважаць права грамадзян на мірныя сходы.
Рада ЕЗ спадзяецца, што беларускія ўлады дазволяць індывідуальным прадпрымальнікам правесці запланаваную на 21 студзеня акцыю, і што яна пройдзе мірна. Еўразвяз мае намер уважліва сачыць за развіццём падзей.