Страсбур, 17 студзеня 2008
Ад імя дэлегацыі па адносінах з Беларуссю я моцна асуджаю арышт 10 актывістаў “Маладога фронту” і “Моладзі БНФ”, затрыманых у часе мірнага адзначэння дня салідарнасці з палітзняволенымі і сем’ямі зніклых беларускіх дзеячаў.
Гэта смелыя маладыя людзі – Франак Вячорка, Антон Каліноўскі, Юрась Станкевіч, Уладзімір Сяргееў, Кася Краснова, Людміла Атакулава, Кася Галіцкая, Максім Вянярнскі, Павал Кур’яновіч і Вольга Кулякевіч , якія ўчора смела абаранялі сваё права на свабоду выражэння і сходаў, сёння паўсталі перад судом у Мінску. Некаторыя ужо атрымалі па 15 сутак арышту.
Я яшчэ больш абураны двухтыднёвым прысудам лідэру АГП Анатолю Лябедзьку і 15 іншым арганізатарам мітынгу індывідуальных прадпрымальнікаў, які адбыўся 10 студзеня.
Я патрабую вызвалення ўсіх актывістаў дэмакратычнай апазіцыі і грамадзянскай супольнасці ў Беларусі.
Апошнія арышты і палітычны пераслед, а таксама знаходжанне за кратамі Аляксандра Казуліна, Артура Фінкевіча, Зміцера Дашкевіча, Андрэя Клімава і іншых палітычных вязняў цалкам пярэчаць рыторыцы беларускага кіраўніцтва пра тое, што яно жадае палепшыць стасункі з Еўразвязам.
Вызваленне ўсіх палітзняволеных з’яўляецца галоўнай умовай для ўзнаўлення адносін паміж ЕЗ і Беларуссю ў рамках Еўрапейскай палітыкі добрасуседства. Беларускія ўлады на чале з Лукашэнкам павінны зрабіць канкрэтныя і незваротныя крокі ў гэтым кірунку як мага хутчэй.
Новы старшыня дэлегацыі па адносінах з Беларуссю ў Еўрапарламенце
Польскі дэпутат Яцэк Пратасевіч (05.06.1967) з партыі партыі “Грамадзянская платформа” быў абраны старшынём дэлегацыі па адносінах з Беларуссю ў Еўрапарламенце бальшынёй галасоў.
Спадар Пратасевіч змяніў на гэтай пасадзе папярэдняга старшыню Богдана Кліха, які неўзабаве зрабіўся міністрам абароны Польшчы. Належыць да буйнейшай ў Еўрапейскім Парламенце фракцыі – Еўрапейскай народнай партыі.
