2000 г. (штогадовая сесія)
Рэзалюцыя па Беларусі,   
падрыхтаваная Камітэтам па грамадзянскім вымярэнні бяспекі

Берлін, 21 лістапада 2000 г.

Асамблея,

Усведамляе, што месца Беларусі ў аб’яднанай  сям’і еўрапейскіх дэмакратый і смуткуе, што палітыка беларускага кіраўніцтва з’яўляецца перашкодай на шляху дасягнення гэтай мэты;

Асуджае запалохванне, пераслед, незаконныя арышты і змяшчэнне ў вязніцу актывістаў палітычнай апазіцыі, а таксама няздольнасць урада правесці належнае расследаванне выпадкаў знікнення некаторых беларускіх апазіцыйных палітыкаў;

Заклапочана бесперапынным абмежаванне свабоды друку і існаваннем пастаяннай пагрозы для незалежных выданняў, а таксама адсутнасцю належнага доступу апазіцыі да дзяржаўных медыяў;

Глыбока шкадуе, што парламенцкія выбары, якія прайшлі ў Беларусі 15 і 29 кастрычніка, не адпавядалі міжнародным стандартам справядлівасці і празрыстасці;

Падтрымлівае канструктыўную ролю, якую адыгралі міжнародныя арганізацыі і найперш АБСЕ, Рада Еўропы і Еўрапейскі Парламент, у вырашэнні глыбокага канстытуцыйнага, палітычнага і эканамічнага крызісу;  

ЗАКЛІКАЕ членаў ураду і парламентарыяў Паўночна-Атлантычнага Альянсу:

пашырыць кампанію па інфармаванні беларускага кіраўніцтва пра тое, што яно мусіць дзейнічаць у адпаведнасці з абавязальніцтвамі, узятымі перад АБСЕ ў галіне абароны правоў чалавека і дэмакратыі;

падтрымаць незалежныя ініцыятывы, каб умацаваць грамадзянскі сектар і НДА;

падтрымаць зварот АБСЕ, Рады Еўропы і Еўрапарламента да кіраўніцтва Беларусі, каб тое распачало рэальны дыялог з апазіцыяй з мэтай вырашэння палітычнага крызісу;

прасіць Крэмль і Дзяржаўную Думу аказаць ціск на беларускія ўлады, каб тыя прывялі заканадаўства ў адпаведнасць з узятымі перад АБСЕ абавязальніцтвамі;

ЗАКЛІКАЕ  Прэзідэнта Лукашэнку і урад Беларусі: 

аднавіць дэмакратычны парадак і ўладу закона, гэтак сама як і гарантыі выканання правоў чалавека, незалежнасць судовай сістэмы, свабоду СМІ і свабоду эканамічнай дзейнасці;

распачаць паўнавартасны дыялог з апазіцыяй;

тэрмінова вызваліць усіх палітвязняў і высветліць лёс зніклых палітычных апанентаў;

прыняць і паважаць базавыя крытэры свабодных і справядлівых выбараў, што сярод іншага ўключаюць:

магчымасць для ўсіх партый весці перадвыбарную кампанію, не баючыся перашкод і пераследаў сваіх кандыдатаў і прыхільнікаў;

прыняцце дэмакратычнага выбарчага заканадаўства, якое гарантуе поўную празрыстасць выбарчага працэсу і збалансаванае прадстаўніцтва палітычных сіл у выбарчых камісій на мясцовым, раённым і рэспубліканскім узроўнях;

працэдуру роўнага доступу ўсіх палітычных партый да дзяржаўных медыяў, асабліва электронных;

згоду на адчувальнае ўзмацненне парламента і надання яму статуса сапраўднага дэмакратычнага інстытута, заснаванага на прынцыпе падзеле ўладаў, які ажыццяўляе заканатворчую дзейнасць і мае кантроль над урадам;

 
заклікае таксама:

зрабіць усё неабходнае для таго, каб наступныя выбары прайшлі ў адпаведнасці з міжнароднымі стандартамі;