З нагоды падпісання Мемарандуму аб заснаванні паўнавартаснага прадстаўніцтва Дэлегацыі Еўракамісіі ў Мінску Камісар па міжнародных адносінах і Еўрапейскай палітыцы добрасуседства Беніта Ферэра-Вальднер адзначыла:

“Сёння вельмі важны дзень і для Беларусі, і для Еўракамісіі. Я задаволена тым, што пасля падпісання гэтага дакумента Еўракамісія зможа працягнуць работу па адкрыцці прадстаўніцтва ў Мінску.   

Гэта доўгачаканы крок, і я шчыра спадзяюся, што прысутнасць дэлегацыі Еўракамісіі ў Беларусі дапаможа закласці падмурак для далейшага развіцця нашых адносін.

Я таксама перакананая, што офіс дапаможа ўмацаваць сувязі паміж Еўразвязам і грамадзянамі Беларусі.

 У гэты важны дзень, я хачу паўтарыць прапанову ЕЗ ( “ОДБ”: тэкст можна адшукаць, націснуўшы на банер справа на сайце) для Беларусі. Мы гатовыя ўзнавіць свае адносіны з вашай краінай і рухацца да нармалізацыі нашых стасункаў, у выпадку, калі будуць зробленыя дадатковыя адчувальныя крокі ў бок дэмакратызацыі.

Адкрыццё прадстаўніцтва Еўракамісіі і вызваленне некаторых палітвязняў, якія мелі месца ў апошні час, могуць даць неабходны пазітыўны імпульс.

Я чакаю пацвярджэння папярэдніх сігналаў праз вызваленне сп. Казуліна”

Фота БелаПАН