Беніта Ферэра-Вальднэр зрабіла заяву наконт выбараў

Рэзалюцыі, заявы і прэсавыя рэлізы па Беларусі

Беніта Ферэра-Вальднэр зрабіла заяву наконт выбараў

2008-09-29 14:13 / Прадстаўніцтва Еўракамісіі ў Беларусі

Benita Ferrero-Waldner Камісар па знешніх сувязях і еўрапейскай палітыцы добрасуседства Беніта Ферэра-Вальднэр, зрабіла заяву па выбарах у Беларусі.

"У апошнія месяцы мы ўбачылі і віталі некаторыя пазітыўныя зрухі ў Беларусі, у тым ліку вызваленне ўсіх палітычных зняволеных і запрашэнне АБСЕ/БДІПЧ да назірання за парламенцкімі выбарамі 28 верасня.

Я ўзяла да ўвагі папярэднія высновы Місіі па назіранні за выбарамі (МНВ) АБСЕ/БДІПЧ, якія ўтрымліваюць як пазітыўныя індыкатары, так і некаторыя негатыўныя элементы.

Вельмі важна, каб МНВ быў дазволены поўны доступ да далейшых стадыяў выбарчага працэсу, і мы будзем ўважліва вывучаць Выніковы даклад МНВ.

Я заклікаю ўрад Беларусі распачаць дыялог з АБСЕ/БДІПЧ наконт таго, якім чынам ажыццявіць іх рэкамендацыі.

Зараз для ЕС важна падумаць, як нам найлепш развіваць адносіны з Беларуссю, яе ўрадам і яе народам. Гэтае развіццё адносін павінна ўключаць шляхі ўмацавання павагі да дэмакратычных прынцыпаў, вяршэнства закону і правоў чалавека ў адпаведнасці з міжнароднымі абавязальніцтвамі Беларусі."


	EN BY FR RU

Прагляд архіваў

Абвесткі

05.07.10

Аргкамітэт адзначэння ўгодкаў Грунвальду рыхтуе выставу дзіцячага малюнка Выстава “Грунвальд у нашай памяці” адкрыецца 13 ліпеня па адрасе Машэрава, 8. Нягледзячы на тое, што арганізатары арыентуюцца на дзіцячыя і моладзевыя працы, узроставых і тэхнічных абмежаванняў няма. Галоўнае, каб творы былі прысвечаны Грунвальдскай перамозе і яе ролі ў гісторыі нашай краіны. У складзе журы − Мікола Купава, Алесь Шатэрнік, Алесь Марачкін, Эдуард Агуновіч ды іншыя мастакі. Працы прымаюцца да 5 ліпеня па адрасе Машэрава, 8.

06.07.10

Запрашаем вас узяць удзел у Канферэнцыі Нацыянальнага Форума грамадзянскай супольнасці "Дарожная мапа "Усходняга партнёрства для Беларусі", якая адбудзецца 5-6 ліпеня 2010 года ў Менску. Канферэнцыя прысвечаная абмеркаванню бягучай і перспектыўнай дзейнасці Форума грамадзянскай супольнасці як аднаго з галоўных істытуцыянальных гульцоў праграмы "Усходняе партнёрства", а таксама далейшых шляхоў развіцця і ўзмацнення праграмы "Усходняе партнёрства" як у Беларусі, так і на агульнаеўрапейскім узроўні.